ដូចយើងបានដឹងហើយថា ស្មាតហ្វូន Redmi Note 4 នេះ បានចេញលក់កាលពី ឆ្នាំមុនដោយទទួលបានការគាំទ្រនឹងលក់ដាច់បំផុតនៅក្នុងប្រទេសឥណ្ឌា ដោយសារតែគុណភាព និងតម្លៃធូថ្លៃ សម្រាប់ទីផ្សារកម្ពុជាក៏មានការគាំទ្រច្រើនផងដែរ។ នៅពេលនេះមានការបែកធ្លាយនូវរូបភាពពិតរបស់ Redmi Note 5 Pro ។ Xiaomi បានធ្វើវឌ្ឍនៈភាពយ៉ាងច្រើនជាពិសេសសម្រាប់ម៉ូឌែល Redmi Note 5 Pro អោយកាន់តែប្រណិត និងទាន់សម័យ ជាង Redmi Note 4 ឆ្ងាយណាស់ យើងឃើញថាការបំពាក់កាមេរ៉ាខាងក្រោយរបស់វាមានចំនួនពីរ គ្រាប់ ជាលក្ខណៈបញ្ឍរ ដោយមាន Flash ជំនួយនៅចំកណ្តាល វាមានតួខ្លួនស្រោបដោយ លោហៈធាតុ ពេញតួខ្លួន ។ ចំពោះរន្ធបំពងសំឡេងវា បានដាក់នៅខាងក្រោម ជាមួយរន្ធ USB ហើយអេក្រង់ ក៏ជាប្រភេទ 2.5D ផុសឡើង យ៉ាងស្រស់ស្អាត ។
ខាងក្រោមនេះជាលក្ខណៈរបស់ Redmi Note 5 Pro
- អេក្រង់ IPS LCD ដែលមានទំហំ 5,99 អង្កត់ផ្ចិត 18: 9 កម្រិតបង្ហាញ FHD (1080 x 2160 px)
- ម៉ាស៊ីនមានបីប្រភេទ Ram 3GB+អង្គផ្ទុកទីន្ន័យខាងក្នុង 32GB/Ram 4GB+អង្គផ្ទុកទីន្ន័យខាងក្នុង 64GB នឹង Ram 6GB+អង្គផ្ទុកទីន្ន័យខាងក្នុង 64GB
- ប្រើប្រាស់បន្ទះឈីបជំនាន់ថ្មីរបស់ Snapdragon 636 ដែលមានស៊ីភីយូប្រាំបីគ្រាប់ ( រត់បានដល់ ល្បឿន 1.8Ghz) នឹងក្រាហ្វិចដំណើរការ Andreno 506 រត់បានហ្គេមគ្រប់ទាំងអស់
- កាមេរ៉ាក្រោយ ពីរគ្រាប់ទំហំ 12 មេហ្គាភិចសែល f/2.2 និងកម្រិតជំនួយភាពហ្មត់រូបថត 1.25 μm pixel size និងមួយគ្រាប់ទៀត ទំហំ 5 មេហ្គាភិចសែល f/2 និងកម្រិតជំនួយភាពហ្មត់រូបថត 1.12 μm pixel ដែលកាមេរ៉ាទីពីរនេះគឺមានតួនាទីសម្រាប់ថតរូបភាពបែបព្រាល។ ចំពោះកាមេរ៉ាមុខបានបំពាក់រហូតដល់ទំហំ 20 MP ធំមែនទែនដែលផលិតដោយក្រុមហ៊ុន Sony (IMX376 sensor) ដូួច្នេះពិតជាសាកសមចំពោះអ្នកចូលចិត្តថតរូបខ្លួនឯងពីមុខ។
- ថ្មមានទំហំ 4000 mAh
- ដំណើរការដោយប្រព័ន្ធប្រតិបត្តិការណ៍ Android 7.0 ស្រោបដោយផ្ទៃ MIUI 9
តាមការរៀបរាប់ខាងលើនេះ Xiaomi បានធ្វើវឌ្ឍនភាពយ៉ាងខ្លាំងគួរឲ្យកត់សម្គាល់ទៅ Redmi Note 5 Pro អាចនិយាយបានថាពិតជាមានថាមពល និងភាពខ្លាំង ទៅលើទូរស័ព្ទមួយនេះ រួមទាំងគុណភាព និងតម្លៃធូរថ្លៃ។ ក្រុមហ៊ុននឹងធ្វើការប្រកាស Redmi Note 5 Pro នៅថ្ងៃស្អែកនេះ នៅប្រទេសឥណ្ឌា ពត៌មានលម្អិត OneClicks នឹងផ្តល់បន្ថែមនៅពេលស្មាតហ្វូននេះប្រកាសជាផ្លូវការ។
ប្រភពៈgizmochina