ថ្មីៗនេះក្រុមហ៊ុន Xiaomi ប្រកាសនូវ ស្មាតហ្វូនរបស់ខ្លួនជាច្រើន ដែលចុងក្រោយនេះគឺ  Mi Explorer ទើបតែប្រកាសជាផ្លូវការនៅ ខែមិថុនា កន្លង ពេលនេះXiaomi បានធ្វើការប្រកាសជាផ្លូវការនូវផលិតផលថ្មីមួយទៀតរបស់ខ្លួន គឺ Mi A2 ដែលប្រើប្រាស់នូវប្រព័ន្ធប្រតិបត្តិការដើមរបស់ Android 8.1 ការប្រកាសនេះនឹងធ្វើឡើងនៅប្រទេសអេស្ប៉ាញ នៅក្នុងព្រឹត្តិការណ៍ដាក់បង្ហាញ ផលិតផលថ្មីរបស់ខ្លួននៅ សប្តាហ៍ចុងក្រោយនៃខែកក្កដា។ យោងតាមព័ត៌មានចុងក្រោយបំផុតវានឹងក្លាយជាការចាប់ផ្តើមផលិតផលសកល របស់ខ្លួនរបស់ក្រុមហ៊ុន  Xiaomi ។

 

 

លក្ខណះមួយចំនួនរបស់ Mi A2

Xiaomi Mi A2 ត្រូវបានគេរំពឹងថានឹងបំពាក់មកជាមួយផ្នែករឹងដែលមានលក្ខណះប្រហាក់ប្រហែលនឹង  Xiaomi Mi 6X ដែលមានអេក្រង់ 6។ បន្ទះឈីប Qualcomm Snapdragon 660 គឺត្រូវបានដឹងរួចមកហើយថា វាមានកម្លាំងលើសមធ្យម ដែលមានន័យថា វាមានថាមពល ទាំងល្បឿន នឹងក្រាហ្វិចសម្រាប់លេងហ្គេមកំសាន្ត ដំណើរការដោយរលូនគ្រប់កម្មវិធី នៅក្នុង Playstore នាពេលបច្ចុប្បន្ន ។ ចំពោះអង្គដំណើរការ  RAM របស់វានឹងមានជម្រើសទំហំ 4GB ឬ 6 GB ។

លក្ខណះមួយចំនួនរបស់ Mi A2 Lite

Xiaomi Mi A2 Lite បំពាក់មកជាមួយផ្នែករឹងអេក្រង់ ៥.៨៤ អ៊ីងជាមួយកម្រិតបង្ហាញភាពច្បាស់ 2280×1080 pixel (សមាមាត្រគឺ 19: 9) ដែលមានក្បាលឆក នៅខាងលើអេក្រង់របស់ខ្លួន ជាប្រភេទ IPS LCD ។ វាត្រូវបានគេបំពាក់មកជាមួយ ស៊ីភីយូ Snapdragon 625 SoC មានស៊ីភីយូ ៨ គ្រាប់ល្បឿន ២.០ និងក្រាហ្វិច Adreno 506 ។ ចំពោះអង្គដំណើរការ  RAM របស់វានឹងមានជម្រើសទំហំ 4GB  ។

កាមេរ៉ា Mi A2

កាមេរ៉ាពីរនៅផ្នែកខាងក្រោយគឺ 12 MP + 20 MP និងភ្ជាប់មកជាមួយបច្ចេកវិទ្យា  AI ដែលមានសមត្ថភាពអាចយល់ដឹងនូវវត្ថុដែលលោកអ្នកកំពុងថត ប្រហែលជាង២០០ប្រភេទ នឹងធ្វើការបំលែងរូបថតឲ្យមានភាពស្រស់ស្អាតទៅតាមស្ថានភាពជាក់ស្តែងដែលយើងធ្វើការថតរូបភាព។ ចំពោះកាមេរ៉ា ខាងមុខ អាចមានទំហំរហូត ដល់ 20Mp ធ្វើឲ្យការថតរូបផ្ទាល់ខ្លួនខាងមុខរបស់អ្នកកាន់តែច្បាស់។ ទោះបីជាយ៉ាងណាក៍ដោយពត៌មាននេះមិនទាន់ច្បាស់ប្រាកដទេរងចាំការបញ្ចេញជាផ្លូវការសិន។

កាមេរ៉ា Mi A2 Lite

បំពាក់មកកាមេរ៉ាភ្លោះផ្នែកខាងក្រោយដែលមានទំហំ 12MP + 5MP ពីរនៅខាងក្រោយ និងខាងមុខមានទំហំ 5MP ដែលសាកសមល្មមក្នុងការផ្តិតរូបភាពរបស់លោកអ្នក។

ការលេចធ្លាយចុងក្រោយបំផុតបានបង្ហាញថា Mi A2 នឹងមានជម្រើសពណ៌ជាច្រើនដូចជា ពណ៌មាស ខៀវ ឬខ្មៅ។ យើងនឹងទទួលបាននូវពណ៌មានជាផ្លូវការនាពេលឆាប់ៗនេះ ចំពោះបងប្អូនដែលកំពុងរងចាំ  Mi A2 អាចនិយាយបានពិតជាមិនខកបំណងក្នុងការរងចាំឡើយ។